Bilete frå utstillinga i Syvde
Mykje folk og musikalsk innslag
Nyaste måleri
HENRIK KOPPEN
Kunst og leven
Kategori: Utstilling
mai 19, 2010
Utstilling Kostarikjedagane 2010
Eg skal bidra med nokre bilete på kollektivutstilling i Kunstkjellaren under Kostarikjedagane i Vanylven. Utstillinga opnar laurdag 22. mai kl 1430.
Program Kostarikjedagane
mars 4, 2010
Eldrebølga
For nokre veker sidan fekk vi oppgåve som gjekk ut på å lage kunst i bokform. Eg laga ei lita soge om Eldrebølga. Eg har høyrt litt om denne eldrebølga, og har skjønt at det ikkje er ein bra ting. Bøkene er utstilt på Trondheim hovudbibliotek akkurat no!
Eg har kome fram til at minstepensjonistar er dei minste pensjonistane - dei er glade i å lage styr
I hovudrolla hadde eg sett meg sjølv. Olav og Sunniva dukka også opp.
juni 23, 2009
Sommarutstilling i Ørsta
Eg skal vere med og stille ut åtte bilete i på Ørsta Kunsthus i Ørsta sentrum i sommar. Den skal henge der frå laurdag 27. juni til 15. august. Opninga av salsutstillinga er laurdag 27. juni kl 1300, og då er sjølvsagt alle hjarteleg velkomne. Opninga er eit arrangement som går under dei Nynorske Festspela.
mai 31, 2009
Utstilling på Teas selskapssalong,
Ganske stilige lokale. Det er ein nedlagt og ombygd barnehage på Eidså som no har blitt selskapslokale/restaurant og galleri. Mor mi sin første jobb i Vanylven var i denne barnehagen, og eg hang her ein del medan eg var i magen hennar. Her er det i alle fall utstilling med nokre bilete som eg har laga, samt nokre bilete av andre kunstnarar. Den kjem til å vere open dei neste to søndagane (7. og 14. juni) frå 1300-1800, og arrangerast i samband med Kostarikjedagane i Vanylven. Du er sjølvsagt hjarteleg velkomen.
- Du kan mellom anna sjå dette biletet.
mai 31, 2009
Golfkunst
På golfbana på Eidså, Vanylven
mai 20, 2009
Frå utstllinga i Stryn.
Dette selde eg til ein som byggjer barnehagebussar
Eg selde fem bilete på utstillinga i Stryn. Det er eg særs nøgd med. Kjekt å prøve seg til og med utanfor Møre og Romsdal.
Vi fekk blomar og alt.
mai 13, 2009
Utstilling og konsert i Stryn 15. mai.
Dersom du trykker her kjem du til heimesida til Stryn kulturhus, og der kan du lese at eg og Mailis skal spele konsert på kulturhuset der fredag 15. mai kl 2100. I tillegg vert det ei salsutstilling der eg stiller ut ti bilete. Mellom anna skal eg stille ut:
og
mai 13, 2009
Golfutstilling
Fredag 15. mai kl 1900 er det opning av utendørs kunstutstilling på golfbana på Eidså, Vanylven. Såvidt eg har forstått er det eit bilete som står ved kvart hol i golfbana, og det er bilete som er scanna og forstørra. Eg har fått bidra med eit bilete som har blitt forstørra opp til 1×2 meter, altså større enn meg! Biletet kan du sjå under.
februar 14, 2009
Killer Queen
I høve musikalen til musikklinja laga eg eit portrett av sjølvaste Killer Queen som skal henge på veggen på scena. Det er liksom Trude, det liknar ikkje så veldig, men det gjer ikkje så veldig mykje, ein skal liksom berre skjønne at ho med grøne klede og pinnar i håret er Killer Queen. På ein måte blir biletet stilt ut. På ei scene.
