Gamle fru Greger har laga ein ganske dyster song/lydkunst-sak (som heiter “Gamle Erik”) saman med Eiliv A M Ribe (han speler fele). Eg og Finn laga ein animasjon i paint som passa til. Veldig kjekt å kombinere lyd og bilete på den måten, det er eg gira på å gjere meir. Kort sagt kan ein seie at filmen handlar om Gamle fru Greger sin død og reise til Helvete.
Installasjon av ekstern harddisk
Ny fjord II, Henrik Koppen 2010
Eg bestemde meg for å lage ein ny versjon av dette biletet eg måla i 2008, “Ny fjord”, nokre nye ting er komne til, som til dømes sladda barne-englar og helikopter. Reven ser daudare ut, og ein kan lese meir ut av anletet til jorda, som stig opp fordi ho har bestemt seg for at nok får vere nok, no byrjer vi på nytt. Syndeflod og hendelse, det står “dies irae” på det eine helikopteret, vredens dag.
Dette er også det største måleriet eg har laga nokon gong. 90×120 cm.
Detalj, røv og engel
Detalj, helikopter
Nattbuss
Ei skisse eg teikna i sommarferien på Øye, eit måleri eg byrja å måle på i september 2009, eit måleri som vart liggjande halvferdig i fire månader, eit måleri eg målte ferdi her ein dag i 2010.
Her er forresten filmen eg laga i høve familiedagen på Trøndertun. Her tonesett av Múm med songen “Hú Hviss – A ship”, litt fordi eg ikkje fekk til å legge til lyden til Nina på lyd, litt fordi songen var nøyaktig like lang som den 1:29 sekund lange filmen.
Eg har forresten fått meg youtube-profil.
Eg sat fredeleg og prøvde å løyse ei rubikskube, då nokon brått stal integriteten min
I går var den siste novemberdagen. Eg fekk lyst til å måle novemberbilete, det har vore så himla mykje fargar i det siste, skjønnar de. Det gjekk så fort å måle dei at eg mala tre på rappen. Her er dei:
November I
November II
November III
Ikkje sjå rett på sola, Henrik Koppen 2009
Eg held fram med å måle lettare oppdragande bilete. Du må ikkje sjå rett på sola. Herved er du advart
Kriminell
To litt mørke bilete frå mørke februarkveldar. Eg er litt lei av vinter no. Eg har ikkje meir primærblå (og det er KRISE), eg har berre ein koboltblå. Dersom du lurar på om eg faktisk har klart å måle eit så megautruleg likt og sirkelforma skilt, så har eg ikkje det. Det er lasta ned på data og skrive ut.
Dette er forresten ikkje ei karikaturteikning av nokon. Om du lurte… (dette er ikkje ironi). Dersom du legg merke til alle dei skuelystne bak ryggen hennar blir eg glad.
Heath, men ikkje Ledger
Jo, det er Heath Ledger, sjølv om det i tittelen kanskje kunne verke som om det ikkje var han. Dette er nemleg eit ordspel og eit sabla morosamt eit også. Det var ikkje mitt ordspel for å seie det sånn. Det var Olav sitt, det var i alle fall han som sa det til meg. Dette er eit bilete av Heath Ledger ved kanten av eit stup og med eit tomt pilleglas i handa.
Samtlige jenter i den vestlege verda har det siste året gått rundt og sørga over hans bråe og mystiske død, dei grin åpenlyst og melder seg inn i facebookgrupper som “RIP, Heath Ledger 1979-2008″ (denne gruppa har i skrivande stund 82068 medlemmer). Det er sjølvsagt leitt at han døydde, men du verden, ordspelet er jo mykje betre no enn før han døydde.
Kommentarar