HENRIK KOPPEN » Annanmannskunst

Biletsamandrag av første klasse (på Kunstskolen i Rogaland)

Henrik — Tue, 07 Jun 2011 21:16:41 +0000

trykk på bileta for større versjon

Opning av Tou Camp

Henrik — Sun, 29 May 2011 10:22:20 +0000

26. mai 2011. Trykk på bileta for større versjon.

Tou Camp

Henrik — Thu, 26 May 2011 07:30:08 +0000

Tou Camp er ein multikunst-festival i Stavanger som varar frå 26 mai til 26. juni. Klassa mi skal ha ei utstilling i den gamle kantina på det nedlagde bryggeriet Tou under heile festivalen. Den opnar altså fredag 26. mai kl 20 på ein heftig opningsfest med fleire andre kunstutstillingar, konsertar osv.

Programmet for Tou Camp på pdf.

Der kan ein få sjå dette måleriet i levande live

Utsmykking Ullandhaug

Henrik — Sat, 14 May 2011 11:11:27 +0000

Klassa mi har sett i gang med utsmykkingsoppdraget vi fekk, fire studentboligar (eg bur i blokk A tilfeldigvis) skal malast. Det er verkeleg merkeleg å klatre rundt på sin eigen vegg. Veldig kjekt er det i alle fall. Endåtil NRK Rogaland har laga eit innslag om oss på distriktsnyhenda, du kan sjå klippet ved å klikke her, spol fram til ca 12:00. Bileta er også henta frå NRK Rogaland sine sider.

Eg og nokre i klassa mi på stillas.

Svanhild, det var hennar idé med strikkemønster på veggen.

Inspirasjonskjelder hausten 2010

Henrik — Mon, 25 Oct 2010 18:52:29 +0000

Det er blitt haust, og eg finn mørke, skandinaviske elektronika-musikkvideoar svært tiltrekkande. Så tiltrekkande at eg let meg inspirere av desse når eg skal lage måleri. Resultatet av dette vert posta snart. I mellomtida kan du sjå desse fascinerande og vakre musikkvideoane om du gidd. Karin Dreijer er med i nesten alt her, men så høyrest jo stemma hennar tross alt ut som ein mørk granskog i november.

Forresten har eg også laga denne spotifylista til mørke haustkveldar.

Streetart

Henrik — Wed, 22 Sep 2010 16:30:28 +0000

No har det vore Nuart-festival i Stavanger, og det har vore skikkelig tøft! Eg har ikkje vore noko særleg borti gatekunst tidlegare, men etter fire sjølvpresentasjonar på kunstskulen og nuartrunda på austkanten av byen sist søndag, har eg no meir peiling. Det er jo kjekt.

Her er ein film frå nuartrunda. Eg dukkar til og med opp i filmen rundt 0:22, hehe.

Vi hadde gjestelærar i høve Nuart, den tyske gatekunstnaren Evol, som er kjend for å gjere små straumboksar om til høgblokker med sjablongar. Desse husa ser faktisk nesten akkurat ut som studentboligen eg bur i no. Med han hadde vi sjablong og eg fekk prøve å spraye med spraymaling for første gong. So no framover skal eg stort sett berre spraye togvogner og slike ting. Her er den eine eg laga, tre lag stensil.

Bilete frå utstillinga i Syvde

Henrik — Mon, 31 May 2010 18:39:20 +0000

Mykje folk og musikalsk innslag

Nyaste måleri

Trøndertun

Henrik — Fri, 21 May 2010 20:55:10 +0000

Då var eg ferdig med Trøndertun, i staden for å fortelje mykje om kor givande det har vore, og kor mykje eg har utvikla meg som kunstnar, samt utvida mitt reportoar og min horisont, vel eg å la bileta tale for seg sjølv:

(trykk på for større bilete)

Eit lerret på besøk

Henrik — Thu, 26 Nov 2009 22:59:29 +0000

Denne veka har vi hatt besøk av Maria Hagerupsen, ho kjenner mange her på Trøndertun, nemleg. Eg har mala litt på henne like så godt. Slikt kan fort skje. Og så har eg hjelpt henne med å lage ferdig nokre kjolar. Vi har mellom anna limt på eit puslespel på ein grøn kjole, og malt på rødhette-eventyret på ein annan. Eg målte også snop på Aurora. Det er Andreas Hopen som har teke dei fleste bileta.

Eg har fått eit måleri!

Henrik — Sat, 17 Oct 2009 13:21:33 +0000

Åsmund Hovland 2009

Eg har fått eit måleri (arkyl på lerret) med min kompis Åsmund (6år), som bur i Ørsta. Han meinte visst at det var leitt at det alltid var eg som gav frå meg måleri, og at eg aldri fekk nokon sjølv. Eg vart i alle fall kjempeglad! Den skal eg henge opp på rommet mitt på folkehøgskulen så alle kan få sjå.